The best Urdu word Mirror (آئینہ) Poetry in Urdu by Urdu different Poets

                        

   آئینہ

لفظ  آئینہ کو شاعروں نے کیسے اپنی شاعری میں سمویا ہے ان اشعار کو پڑھیں اور اردو ادب  سے واقفیت    حاصل کریں۔

تو اپنی شیشہ گری کا ہنر نہ کر ضائع

میں آئینہ ہوں مجھے ٹوٹنے کی عادت ہے ۔          

(احمد فراز)                                                                                             

عالم آئینہ ہے جس کا وہ مصور بے مثل

ہائے کیا صورتیں پردے میں بنا دیتا ہے۔     

(میر تقی میر)

وحدت میں تری حرف دوئی کا نہ آسکے

آئینہ ، کیا مجال تجھے منہ دکھا سکے۔ 

(خواجہ میر درد)

کر کے آرائش جو دیکھی اس صنم نے اپنی شکل

بند آنکھیں ہو گئیں، آئینہ حیراں ہو گیا۔   

(آتش)

آئینہ دیکھ اپنا سا منہ لے کے رہ گئے

صاحب کو دل نہ دینے پہ کتنا غرور تھا۔   

(غالب)

دیکھ کر آئینے کو رشک سے کہتا ہے وہ شوخ

کہ اگر حسن کا دعوی ہے تو باہر آؤ۔   

( امیر مینائ)

پسینہ موت کا ماتھے پہ آیا آئینہ لاؤ

ہم اپنی زندگی کی آخری تصویر دیکھے گئے۔  

(شاد عظیم آبادی)

ہمیں معشوق کو اپنا بنانا تک نہیں آیا

بنانے والے آئینہ بنا لیتے ہیں پتھر سے۔ 

( صفی اورنگ آبادی)

تری بے جھجک ہنسی سے نہ کسی کا دل ہو میلا

یہ نگر ہے آئینوں کا یہاں سانس لے سنبھل کر۔ 

(احسان دانش)

آیئنہ ٹوٹ کے جڑتا ہے کہیں اے ساغر

دل کے ٹکڑے تری وحشت نے سجائے بھی تو کیا۔  

(ساغر نظامی)

دل پہ غم کی زد پڑی جذب دل نکھر گیا

ٹوٹ کر یہ آئینہ اور بھی سنور گیا۔ 

(شعری بھوپالی)

اپنے بدلے مری تصویر نظرآجاتی ہے

تو نے اس وقت اگرآیئنہ  دیکھا ہوتا۔ 

(احمد ندیم قاسمی)

یہ اُداس  اُداس چہرے یہ حسین حسین تبسم

تری انجمن میں شاید کوئی آئینہ نہیں ہے۔ 

(شکیل بدایونی)

اپنی نظر بھی آئینوں خانوں سے کم نہ تھی

تم آئینوں کا رنگ اڑا کر سنوار گئے۔ 

(شاہد اکبر آبادی)

مجھ کو کیا معلوم ہے آئینہ سے دریافت کر؟

تونے کیوں زلفیں سنواریں کیوں پریشاں ہو گئیں۔ 

(حبیب اشعر)

دماغ اُن کا ہے چوتھے آسماں پر

اک آئینہ جو اُن کے رُوبرو ہے۔ 

( بیدل مراد آبادی)

تجلی نورِ عرفاں ہوگئ جس میں

وہ آئینہ مرا دل چاہتا ہے۔ 

( بیدل مراد آبادی)

عمر بھر ہم یوں ہی غلطی کرتے رہے غالب

دھول  چہرے پہ تھی اور ہم آئینہ صاف کرتے رہے۔ 

(غالب)

حیرت میں ہے دیکھنے والا

آئینہ حیران نہیں ہے۔ 

(طالب دہلوی)

کدروت سے دل صاف رکھ اے شاد پیری میں

کہ جس کو منہ دکھانا ہے یہ آئینہ اس کا ہے۔

 (شاد عظیم آبادی)

اور تو آئینے میں عیب نہیں

صاف دل ہے یہی برائی ہے۔ 

(حالی)

نظر آتے ہیں جلوے آج آئینہ در آئینہ

جمالِ یار ٹکرایا ہے کس کی چشم حیراں سے ۔ 

( شبلی)